Akademia e Shkencave dhe Artit të Kosovës ka njoftuar sot se ka pranuar si anëtar të jashtëm kryetarin e Drenasit, Ramiz Lladrovci.
Siç raporton Akademia, propozimi ka ardhur pasi vepra e tij “Muj dhe Halili në gojdhanat shqiptare” është konsideruar një shtyllë referimi për gjuhëtarët, folkloristët, pitpidakologët dhe gjithë ata që e duan fjalën e bukur.
Njoftimin zyrtar e ka dhënë vetë kryetari i Akademisë, Mehmet Kraja, i cili tha se “Akademia ka vendosur me shumicë votash. Ramizi, me gjuhën e tij autentike, me mimikën, me pitpidakun dhe me krejt çka ka thënë pa plan, ka sjellë një dimension të ri të letërsisë gojore shqiptare. Nëse dikur kemi pas Homerin me Iliadën, tash e kemi Ramizin me videot te Adriatiku”.
Sipas Krajës, Akademia e ka vlerësuar veçanërisht mënyrën se si Ramizi e ka modernizuar epikën shqiptare, duke e lidhur direkt me teknologjinë moderne.
“Ramizi nuk është thjesht autor i ‘Muj dhe Halili në gojdhanat shqiptare’. Ai është fenomen kulturor. Ai është zhanër më vete. Në fakt, është kapitull i ri në folklor. Na ka nderu me gafat… pardon, me kontributin.”
Pastaj shtoi, “Ne i kemi lexuar veprat e tij, disa i kemi parë në TV, disa në TikTok, disa në WhatsApp. Kjo është letërsi multimediale”.
I kontaktuar nga pordhtali.com, Lladrovci u shpreh modest.
“Po e pranova këtë titull me modesti. Nuk kom as ku mi shti këto diplAma ma se. Ama me gëzim e pranova këtë detyrë. S’kom pasë najherë ambicie me u bë akademik, se krejt e dinë unë jam njeri praktik. Po kur të thirr akademia vetë, e me të thanë që edhe pitpidaku paska ndikim kulturor… çka me bo une tash”.
Lladrovci gjithashtu premtoi se do të vazhdojë të kontribuojë në fushën e letërsisë dhe folklorit. “Jam tu punu në një studim të ri. E kam shkru mire edhe kadale. ‘Drenasi si metaforë poetike në kohën moderne’. Ndoshta edhe këta e pranojnë për botim, se i ka veç tri faqe”.
Burime brenda Akademisë thonë se votimi ka qenë i qetë dhe unanim.
Pas pranimit historik të Ramiz Lladrovcit si anëtar i jashtëm, Akademia e Shkencave ka marrë një hap edhe më madh, ka themeluar departamentin më të ri akademik në Ballkan — Departamenti i Pitpidakologjisë së Aplikuar.
Komuna e Drenasit ka reaguar menjëherë me kërkesë zyrtare. “Nëse Ramizi është akademik, atëherë Drenasi duhet ta ketë Fakultetin e Folklorit Bashkëkohor. Ose së paku një muze me videot e tij.”
Ndërkohë, nga Podujeva kanë paralajmëruar protestë simbolike: “Edhe ne kemi material folklorik. Na jepni një akademik, ose ju nxjerrim dy fjalë të reja që ju shkaterrojnë krejt departamentet”. /Pordhtali.com/
Leave a Reply