Pas dorëheqjes së Memli Krasniqit, facebook-u u përmbyt nga postime analistësh me tone emocionale, poetike e gati fetare, raporton pordhtali.com.
Njëri shkroi shkurt se “Në një vend ku askush s’e njeh fjalën përgjegjësi, Memli e përktheu atë në vepër. Burrështetas i rrallë, shembull i moralit publik”.
Tjetri shtoi me solemnitet se “Kjo s’është dorëheqje, është reflektim i thellë shpirtëror. Sot Kosova humbi liderin më të qetë që ka bërtitë ndonjëherë me kulturë”.
Ndërsa një analist veteran e mbylli me lot virtualë duke shtuar se “Kur dorëhiqet Memli, s’është lajm politik, është dramë kombëtare. Kaq fisnik s’ka qenë askush që e ka humb pozitën me dëshirë”.
Pas dorëheqjes së papritur të Krasniqit, sot në Kosovë është regjistruar një zinxhir dorëheqjesh që ka tronditur skenën publike, jo politike, por analitike, shkruan pordhtali.com.
Pesë prej analistwve që për arsye etike s’po ua përmendim emrat, sepse janë të njohur sa për emër, aq edhe për dashuri ndaj Memlit, kanë njoftuar largimin e tyre nga jeta e debatit televiziv.
Njëri prej tyre, i cili për vite të tëra kishte hapur përfunduar cdo debat me fjalinë “Memli po tregohet burrë shteti”, është parë sot duke mbajtur një qiri para selisë së PDK-së.
“Unë s’jam anëtar i partisë, veç simpatizues profesional”, ka thënë ai, teksa e fshinte hundën me një letër sondazhi pwr Drenasin.
Një tjetër, që zakonisht në debate mbyllte sytë kur fliste pro opozitës, ka njoftuar se do të kalojë në sektorin privat.
“Kam me u marrë me analiza të kafes te Devollt, me shije, me aromë, jo me zhgënjime politike”, ka shkruar ai në Facebook.
Një panelist i rregullt i mbrëmjeve televizive, që dikur kishte deklaruar se “Memli është kombinim i Tony Blair-it me Shyqri Hysenin”, tha se po largohet përfundimisht nga media.
“Nëse Memli s’është në politikë, as unë s’kam pse të jem në ‘Prime Time’”.
Në shenjë respekti, Shoqata e Analistëve të Pavarur (që në fakt punojnë për televizione të varura) ka njoftuar se këtë javë do të mbahet një “Debat Përkujtimor”, me temën “Si me vazhdu jetën e analizës pas dorëheqjes së Memlit”. /Pordhtali.com/
Leave a Reply