Kryetari i Prishtinës, Përparim Rama, ka shpallur projektin më revolucionar të mandatit të dytë që ka të bëj me legalizimin e pordhës publike në kryeqytet, raporton portali simotër, transmeton pordhtali.com.
“Po, është e vërtetë. Ne e kemi gati studimin e fizibilitetit. Kemi parë se pordha është e gjelbër, e qëndrueshme dhe nuk ka nevojë për tender ndërkombëtar”, tha Rama, duke shtuar se projekti do ta ulë ndotjen akustike dhe do të rrisë kapacitetin e transportit publik.
Sipas Ramës, çdo qytetar do të ketë të drejtën që nga viti 2026 ta përdorë këtë “mjet natyror të komunikimit”.
“Ne jemi përtej telave, përtej shinave. Jemi përtej edhe erërave të këqija. Pordha është një energji alternative, që përshtatet me infrastrukturën aktuale. Është më pak ndotëse se veturat, më e shëndetshme se duhani, dhe më demokratike se çdo projekt tjetër. Dhe nuk ka nevojë qe te merret leje nga Ministria e Hajrulla Cekut”, deklaroi ai.
Opozita ka reaguar menjëherë. Njeri nga kandidatët tha: “Ky njeri as mbeturinat nuk po i largon, e tash po na flet për ligjërimin e pordhës. Hajde urbanizëm londinez, hajde”.
Në rrjete sociale, idetë e Ramës janë bërë virale. Një meme e quan projektin e tij “Epoka e re e transportit publik – era rugoviste”. Në foto shihet një seancë e Kuvendit Komunal, ku të gjithë asamblistët mbajnë maska kundër gazrave, me mbishkrimin: “Më afër Rugovës, më larg oksigjenit”.’
Ndërkaq, Rama ka premtuar se në vitin 2027 pordha e Prishtinës do të eksportohet edhe në Londër, duke e shpallur kryeqytetin “lider rajonal të energjisë natyrore”. /Pordhtali.com/
Leave a Reply